មណ្ឌលគិរី ៖ ប្រភពព័ត៌ មានពីប្រជាពលរដ្ឋ នៅក្នុងស្រុកកែវ សីមាខេត្ដមណ្ឌលគិរីឲ្យ ដឹងថាគេឃើញ មានឈ្មួញជន ជាតិយូនបាន លួចចូលតាម ច្រករបៀង មកកាប់និងដឹក ជញ្ជូនឈើខុស ច្បាប់ក្នុងភូមិសាស្ដ្រ ខេត្ដមណ្ឌល គិរីជាពិសេស ក្នុងទឹកដីស្រុកកែវសី មានិងស្រុកអូរាំងគឺ ដោយសារទាហ៊ាន បើកដៃឲ្យ។ប្រភពព័ត៌មានបានបន្ដទៀតថាបើទោះបីលោកឃិនម៉េងស្រេងមិនបានចេញមុខចេញមាត់ផ្ទាល់ក៏ប៉ុន្តែមានមន្ដ្រីយោធាការពារព្រំដែនម្នាក់ឈ្មោះសៅរិទ្ធគឺជាកូនចៅរបស់លោកឃិនម៉េងស្រេងផ្ទាល់គឺជាអ្នកបានអនុញ្ញាតឱ្យឈ្មួញជនជាតិវៀតណាមលួចឆ្លងដែន ដោយខុសច្បាប់នៅតាមច្រក របៀងអមដោយត្រាក់ទ័រ និងគោយន្ដ ដើម្បីកាប់និងដឹកជញ្ជូនឈើត្រឡប់ទៅវិញ។ចង់ឬមិនចង់គេគួរធ្វើការស៊ើបអង្កេតមើលថាតើលោកឧត្ដមសេនីយ៍ ផ្កាយ១ឃិនម៉េងស្រេងមេបញ្ជាការប្រតិបត្ដិការសឹករងខេត្ដមណ្ឌលគីរីមានជាប់ពាក់ពាន់និងការឃុបឃឹតបើកឲ្យឈ្មួញវៀតណាមលួចចូលមកកាប់ឈើក្នុងអាណាចក្រក្រោមការគ្រប់គ្រងរបស់យោធាខេត្តមណ្ឌលគីរីមែនឬអត់?ជាពិសេសក្នុងទឹកដីស្រុកកែវសីមា និងស្រុកអូរាំង។។ជាក់ស្ដែងកាលពីប៉ុន្មានថ្ងៃមុននេះមានការបង្ក្រាបឈ្មួញជនជាតិវៀតណាម៦នាក់ ដកហូតត្រាក់ទ័រ១គ្រឿងនិងរថយន្ដបង្កង់៣គ្រឿងខណៈដែលពួកគេបានព្យាយាមដឹកជញ្ជូនឈើចេញពីព្រៃការពារស្ថិតក្នុងដែនអភិរក្សក្នុងភូមិសាស្ដ្រស្រុកកែវសីមាដែលប្រតិបត្ដិការនេះធ្វើឡើងដោយកម្លាំងអាវុធហត្ថលើផ្ទៃប្រទេសនិងអង្គការ អភិរក្សចម្រុះសីមា ។ប្រភពព័ត៌មានខាងលើបានឲដឹងទៀតថាក្រោយពីការចាប់ខ្លួនជនជាតិយួនទាំងនោះបានឆ្លើយថាពួកគេត្រូវបានមន្ដ្រីយោធាឈ្មោះសៅរិទ្ធនៅព្រំដែនអនុញ្ញាតឱ្យចូលធ្វើសកម្មភាព កាប់និងដឹកជញ្ជូនឈើខុសច្បាប់ ។ទាក់ទងករណីនេះគេឃើញលោកឃិនម៉េងស្រេងនិយាយប្រាប់កាសែតថា ជនជាតិវៀតណាមទាំង៦នាក់រួមនឹងរថយន្ត៣គ្រឿងនិងត្រាក់ទ័រ១គ្រឿងបានលួចចូលតាមច្រករបៀងជាប់ព្រំដែន ស្រុកកែវសីមា និងស្រុកអូររាំង នៅក្នុងភូមិសាស្ត្រដែនអភិរក្ស ជីវចម្រុះសីមាកាលពីថ្ងៃទី២៥ខែមិនាឡឺដោយសារវា ឆ្លៀតតឱកាសពេល ដែលកងកម្លាំងជាប់រវល់ក្នុងឱកាសបើកសម្ពោធអគារសឹករងស្រុកអូររាំងនោះលួចចូល។
Recent Comments