ក្រុមប្រជាពលរដ្ឋនៅខេត្តមណ្ឌលគីរីបានសម្តែងនូវ ការមិនសប្បាយចិត្តចំពោះផ្លូវលំរបស់មន្ទីរអភិវឌ្ឍន៍ជនបទខេត្ត ដែលបានសាងសស់ពីក្រុងសែនមនោរម្យ ទៅកាន់ឃុំមេម៉ង់ស្រុកកែវសីមា ប្រវែងជាង ២០គីឡូម៉ែត្រ ដែលតាម គម្រោងឆ្នាំ២០១០ដល់២០១២ កន្លងផុតទៅថ្មីៗនេះ មិនត្រូវតាមគោលគម្រោងនិងគ្មានគុណភាពដែលនាំឱ្យប្រជាពលរដ្ឋមាន ការលំបាកក្នុងការធ្វើចរាចរជាងមុនទៅទៀត ។
តាម ប្រជាពលរដ្ឋបានលើកឡើងថា ជាក់ស្តែងផ្លូវចាប់ពីភូមិស្រែអ៊ីទៅកាន់ឃុំមេម៉ង់ គឺប្រជាពលរដ្ឋធ្វើចរាចរ លែងកើតទៀតហើយ ព្រោះផ្លូវនោះក្លាយជាអណ្តូង និងប្រឡាយទៅហើយពួកគាត់បានលើកឡើងថាហេតុអ្វីបាន ជាផ្លូវក្លាយទៅជាមហាយ៉ាប់បែបនេះ ឬមួយលោក យន់ សារោមប្រធានមន្ទីរអភិវឌ្ឍន៍ជនបទខេត្តសាងសង់ និងស៊ីដាច់ គម្រោងទេដឹង។
បើតាមប្រជាពលរដ្ឋបានបន្តថា ពួកគាត់បានឮប្រសាសន៍របស់លោក ជាសុផារ៉ា រដ្ឋមន្ត្រីក្រសួងអភិវឌ្ឍន៍ជនបទ ធ្លាប់លើកឡើងថាលោកតែងតែចង់បានការអភិវឌ្ឍន៍មានទាំងបរិមាណនិងគុណភាព សម្រាប់តម្រូវការប្រជាពលរដ្ឋងាយស្រួល ធ្វើដំណើរ ។
ផ្ទុយទៅវិញលោក យន់ សារោមប្រធានមន្ទីរអភិវឌ្ឍន៍ជនបទខេត្តមណ្ឌលគីរី កំពុងតែត្រូវបានប្រជាពលរដ្ឋរិះគន់ចំៗថាការស្ថាបនាផ្លូវលំនៅមណ្ឌល គីរីមិនត្រឹមត្រូវតាមបទដ្ឋានបច្ចេកទេសឡើយ ។
ដូចជា មិនមែនតែផ្លូវលំពីក្រុង សែនមនោរម្យទៅកាន់ឃុំមេម៉ង់នោះទេ សូម្បីតែផ្លូវលំជាច្រើនខ្សែនៅក្នុងស្រុកកោះញែកឯណោះវិញ ក៏មានសេចក្តីរាយការណ៍ចេញពីប្រជាពលរដ្ឋនៅឃុំអរបួននាំគ្នាប្តឹងលោក យន់ សារោម ប្រធានមន្ទីរអភិវឌ្ឍន៍ជនបទពាក់ព័ន្ធទៅហ្នឹងរឿងផ្លូវលំមានតែក្នុង របាយការណ៍តែជាក់ស្តែងគ្មានផ្លូវសម្រាប់ធ្វើដំណើរនោះទេ ។
ប្រភពពីប្រជាពលរដ្ឋនិយាយថា មានតែរបាយការណ៍សេះហោះគ្រាន់តែជាលេសមួយសម្រាប់ដកលុយពីក្រសួងប៉ុណ្ណោះ ។
ជុំវិញបញ្ហាអសមត្ថភាពខាងលើក្រុមប្រជាពលរដ្ឋបានសំណូមពរដល់លោកជា សុផារ៉ា ដែលជារដ្ឋមន្ត្រី គួរតែមានវិធានការពិនិត្យមើល
ផ្លូវទាំងនោះឡើងវិញ ។ ជាពិសេសមិនគួរបើរដ្ឋមន្ត្រី ក្រសួងនេះមើលរំលងទង្វើអសមត្ថភាព របស់ យន់ សារោម នោះទេ ។/
ដោយ ៖ ឆ្មាំចាំដី
Recent Comments