ខេត្ដកំពង់ចាម ៖ ប្រជាពលរដ្ឋដែល មានលំនៅដ្ឋានក្បែរការដ្ឋានរោងម៉ាស៊ីន កិនថ្មរបស់ឧកញ៉ា លឹមប៊ុនណា ហៅ ខ្នា ស្ថិតក្នុង ភូមិស្រែសៀម ឃុំជីរោទិ៍ទី២ ស្រុក-ខេត្ដ ត្បូងឃ្មុំ បានរងនូវផលប៉ះពាល់យ៉ាងខ្លាំង ចំពោះ ការ រស់នៅ ដែលពាក់ព័ន្ធ ទៅនឹងសុខភាព ការទទួលទានដំណេក បង្កឲ្យមានជំងឺផ្លូវដង្ហើម ជាពិសេសស កុមារតូចៗ បានកើតជំងឺយ៉ាងច្រើន ដោយសារតែកំទេចប៉ើងហុយតាមខ្យល់ ។
ប្រជាពលរដ្ឋបាន និយាយថា ជាយូរឆ្នាំមកហើយ ការដ្ឋានកិនថ្មខាងលើនេះបាន បំពងសំឡេងលាន់ឮកងរំពង រួមទាំង សំឡេងគ្រាប់រំសេវបំផ្ទុះបំបែកថ្មម្ដងៗ ធ្វើឱ្យរញ្ជួយដល់សំណង់ផ្ទះរបស់ពួកគាត់ ព្រមទាំងផ្សែង ធូលី ដែល ជាកម្ទេចថ្មហុយ ជះមកលើលំនៅឋានរបស់ពួកគាត់ បណ្ដាលឱ្យអ្នកខ្លះរងនូវជំងឺឈឺភ្នែកជា ញឹកញាប់ និងប៉ះពាល់ដល់ការដកដង្ហើម ថែមទៀតផង ។
ប្រជាពលរដ្ឋបន្ដ ថា ការដាក់គ្រាប់ រំសេវផ្ទុះបានក្លាយទៅជារណ្ដៅជីកយកថ្ម ដ៏ធំៗ ជ្រៅៗដូចជាស្រះជា ច្រើន កន្លែង ធ្វើឱ្យប្រជាពលរដ្ឋក្នុងភូមិ ពេលឱ្យកូនចៅ ទៅមើលគោក្របីតាមវាលស្រែម្ដងៗ មានការព្រួយ បារម្ភ យ៉ាង ខ្លាំង ខ្លាចកូន ចៅរបស់ពួកគាត់លង់ទឹកដែលជារណ្ដៅ របស់ឧកញ៉ា លឹម ប៊ុនណា ហៅ ខ្នា ខាងលើ នេះ។
ពាក់ព័ន្ធករណី នេះ លោក ចេង ប៊ុនណា អភិបាលនៃគណៈអភិបាលស្រុកត្បូងឃ្មុំ បានប្រាប់ឲ្យដឹងថា បញ្ហា ការដ្ឋានកិនថ្មឧកញ៉ា លឹម ប៊ុនណា ហៅ ខ្នា ពិតជាបង្កផលប៉ះពាល់ ដល់ ប្រជាពលរដ្ឋ ទាំងការដាក់ រំសេវ ផ្ទុះលាន់កងរំពងខ្ទ័រដល់ សំណាង់ ផ្ទះប្រជាពលរដ្ឋ និងការដឹក ជញ្ជូនថ្មខូចផ្លូវ ហុយ ទៅលើលំនៅឋានពួក គាត់ ។ មិនតែប៉ុណ្ណោះ កន្លងមក ការដាក់ បំផ្ទុះថ្មទីតាំងមួយចំនួនបានក្លាយទៅជា ស្រះ បណ្ដាលឱ្យកូន អ្នក ស្រុកលង់ស្លាប់ ក្នុងនោះខាងអាជ្ញាធរនិងសមត្ថកិច្ច ក៏បាន ធ្វើការណែនាំម្ដងជាពីរដងផង ដែរ ប៉ុន្ដែ ម្ចាស់ការ ដ្ឋាន ហាក់ដូចជាពុំបានគិត និង ទទួលខុសត្រូវចំពោះការធ្វើអាជីវកម្មរបស់ ខ្លួនប៉ះពាល់ដល់អ្នក ដទៃ ។
លោកអភិបាលស្រុកប ន្ដថា ថ្មីៗនេះ ស្រាប់តែមន្ដ្រីអះអាងថា ខាងក្រសួង ឧស្សាហកម្មបានចេញ ច្បាប់ឱ្យ គាត់បន្ដអាជីវកម្ម ដែលពុំបានឱ្យមន្ដ្រីជំនាញចុះ មកសិក្សា ឬឆ្លងមន្ដ្រីអាជ្ញាធរមូលដ្ឋាន មុននឹងចេញ អាជ្ញា ប័ណ្ណ ឱ្យ ថា តើការធ្វើ អាជីវកម្មរបស់ម្ចាស់ការដ្ឋានកិនថ្មនេះ បានប៉ះពាល់ដល់ប្រជាពលរដ្ឋក្នុងកម្រិត ណា នោះឡើយ ។
ក្នុងករណីម្ចាស់ ការដ្ឋាននេះមានច្បាប់ អនុញ្ញាតក៏ដោយ ប៉ុន្ដែប្រជាពលរដ្ឋឱ្យ លោកឧកញ៉ាគិតពីផល ប៉ះ ពាល់ ដល់អ្នក ដទៃនោះផង ។ ប៉ុន្ដែតាមទូរស័ព្ទ លោក ឧកញ៉ារូបនេះបានបញ្ជាក់ថា «ខ្ញុំមិនដឹង ខ្ញុំមិនដឹងទេ ២០ឆ្នាំមកហើយ ខ្ញុំកិនថ្ម មិនដែលប៉ះពាល់អ្នកណា អ៊ីចឹងប្ដឹងតាម ច្បាប់ទៅ ខ្ញុំមិនខ្វល់ » ។
អាជ្ញាធរស្រុក ត្បូងឃ្មុំព្រួយបារម្ភផង ដែរពីអាជីវកម្មកិនថ្មខាងលើនេះ ហើយ គាត់ក៏សំណូមពរផងដែរ រាល់ ការធ្វើ អាជីវកម្មរបស់ខ្លួន មេត្ដាគិតពីផលប៉ះពាល់ដល់អ្នកដទៃ ផ្ដល់សេចក្ដីសុខដល់ ប្រជាពលរដ្ឋ ដែលពួក គាត់មានសិទ្ធិក្នុង ការរស់នៅ មិនត្រូវបានរំលោភបំពាន ដោយនរណានោះឡើយ ដែលក្នុងប្រទេសគ្រប់ គ្រងដោយច្បាប់ ៕
Recent Comments