មន្ត្រីតូចតាចមួយចំនួនបានឲដឺងថាមេឈ្មួញ រ្ន័ត ចាន់ណា ឪឡូវនេះរត់ការខ្វែងដៃខ្វែងជើងឡើងធ្វើជាមេបញ្ជាការរងប៉េអឹមខេត្ត ត្បូងឃ្មុំពីសំណាក់ឈ្មួញរកស៊ីដឹកឈើដុះស្នឹមទាំង២នាក់នោះបាន លើកឡើងថា លោក វ៉ា សារិទ្ធបច្ចុប្បន្នជាមេបញ្ជាការប៉េអឹមខេត្តកំពង់ចាមត្រូវបានចាត់តាំង ឲ្យរៀបចំរចនាសម្ព័ន្ធដឹកនាំបង្កើតកងរាជអាវុធហត្ថប្រចាំខេត្ត ត្បូងឃ្មុំពោលគឺលោក វ៉ា សារិទ្ធ គឺជាបេក្ខភាពដែលត្រូវទៅកាន់តំណែងជាមេប៉េអឹមខេត្តត្បូងឃ្មុំ មានសិទ្ធិអនុម័តជ្រើសរើសមេបញ្ជាការរង មេបញ្ជាការនៅតាមស្រុក និងនៅតាមស្នាក់ការសន្តិសុខ។ លោក វ៉ា សារិទ្ធកាន់តែត្រូវប៉ាន់នៅពេលផ្ទេរចេញពីខេត្តកំពង់ចាមទៅធ្វើជាមេ ប៉េអឹមខេត្តត្បូងឃ្មុំដែលមានទីតាំងជាប់ព្រំប្រទល់ដែនជាចំណុច សេដ្ឋកិច្ចនៃការដឹកជញ្ជូនទំនិញគេចពន្ធនិងឈើខុសច្បាប់ចេញទៅស្រុកយួន យ៉ាងគគ្រឹកគគ្រេងទាំងយប់ទាំងថ្ងៃ។
តាមប្រភពមួយទៀតបាន ឲ្យដឹងទៀតថាឈ្មួញរកស៊ីឈើខុសច្បាប់ដ៏ល្បីឈ្មោះរ្ន័ត ចាន់ណានិងឈ្មួញម្នាក់ទៀតដែលជាគេស្គាល់ថាជាកូនរបស់ឧកញ៉ា ស្រ៊ុន ម៉េងលាងដែលធ្លាប់បង្កព្យុះភ្លៀងល្បីពេញស្រុកមេមត់កំពុងចំណាយលុយរ ត់រកខ្សែទុយោសម្រាប់ការអន្តរាគមន៍ឡើងធ្វើជាមេបញ្ជាការរង ប៉េអឹមខេត្តត្បូងឃ្មុំហើយបើតាមប្រភពខ្សឹបខ្សៀវនោះ ទំនងជាលោក វ៉ា សារិទ្ធអូខេចំពោះបេក្ខភាពរបស់មេឈ្មួញទាំង២នាក់នេះរួចទៅហើយ។ ប៉ុន្តែគេមិនច្បាស់ទេថា តើលោក ប្រាជ្ញ ចន្ទដែលអនាគតនឹងក្លាយជាភិបាលខេត្តត្បូងឃ្មុំឯកភាពពីបញ្ហានេះឬក៏ យ៉ាងណានោះទេរីឯមជ្ឈដ្ឋានប្រជាពលរដ្ឋនិងមន្ត្រីរាជការជាច្រើនបាន អំពាវនាវសុំឲ្យលោក សៅ សុខាជាមេបញ្ជាការកងរាជអាវុធហត្ថលើផ្ទៃប្រទេសនិងអគ្គមេបញ្ជាការកងទ័ព ជាតិមេត្តាពិនិត្យមើលលក្ខណសម្បត្តិរបស់មេឈ្មួញទាំង២នាក់នេះឲ្យ បានស៊ីជម្រៅមុនពេលសម្រេចចេញលិខិតតែងតាំងឲ្យធ្វើជាមេបញ្ជាការរង ប៉េអឹមខេត្តត្បូងឃ្មុំ។
ឈ្មោះរ្ន័ត ចាន់ណាគឺជាមេឈ្មួញប្រមូលទិញឈើប្រណីតគ្រប់ប្រភេទរួមទាំងឈើគ្រញូង ផងដែរមកពីបណ្តាខេត្តនានាមកស្តុកទុកក្នុងខេត្តកំពង់ចាមតាមឃ្លាំង ជាច្រើនកន្លែងក្នុងស្រុកមេមត់ដើម្បីបន្តនាំចេញទៅលក់នៅស្រុកយួន ច្រើនឆ្នាំមកហើយមិនដែលមាននរណាហ៊ានប៉ះ ។
ដោយឡែក កូនប្រុសរបស់ឧកញ៉ា ស្រ៊ុន ម៉េងលាងដែលធ្លាប់តែបង្កព្យុះភ្លៀងផ្អើលស្រុកមេមត់ ខេត្តកំពង់ចាមក៏មានឆ្អឹងអណ្តែតអាចឡើងធ្វើជាមេបញ្ជាការរងប៉េអឹមខេត្ត ត្បូងឃ្មុំផងដែរតាមរយៈការចាយលុយរត់រកខ្សែទុយោអន្តរាគមន៍សម្រាប់ ការឡើងកាន់មុខតំណែងដ៏មានអំណាចមួយនេះ។សូមរំលឹកថាអង្គភាពប្រឆាំង អំពើពុករលួយបានចេញសេចក្តីព្រមានផ្ទួនៗចំនួន៣លើករួចមកហើយ គិតពីដើមឆ្នាំ ២០១៤ កន្លងមកនេះដោយព្រមានមិនឲ្យមន្ត្រីរាជការ កងកម្លាំងប្រដាប់អាវុធប្រើអំណាចទឹកលុយរត់ការរត់រកកិច្ចអន្តរាគមន៍ ដើម្បីកាន់តំណែងក្នុងជួរស្ថាប័នរដ្ឋអង្គភាពប្រដាប់អាវុធនោះទេ។ ហើយលោក ហ៊ុន សែនក៏ធ្លាប់បានព្រមាននាំទៅផ្តន្ទាទោសតាមច្បាប់ឬដកហូតមុខតំណែង វិញរាល់មន្ត្រីទាំងឡាយណាដែលឡើងកាន់តំណែងតាមរយៈកិច្ចអន្តរាគមន៍តាម ខ្សែទុយោឬការចំណាយលុយសម្រាប់ទិញមុខតំណែងប៉ុន្តែរហូតមកដល់ពេលនេះគេ មិនដែលឃើញមន្ត្រីណាម្នាក់ត្រូវបាននាំទៅដាក់ពិន័យឬផ្តន្ទាទោស ពាក់ព័ន្ធការរត់ការអន្តរាគមន៍ទិញមុខតំណែងនោះទេ។
ការបែកធ្លាយនូវរឿងរ៉ាវដ៏រសើបពាក់ព័ន្ធនឹងការចំណាយលុយនិងការរត់ រកអន្តរាគមន៍ដើម្បីឡើងធ្វើជាមេបញ្ជាការរងប៉េអឹមខេត្តត្បូងឃ្មុំ ពីសំណាក់មេឈ្មួញរកស៊ីឈើដុះស្លែទាំង២នាក់នេះបានកើតឡើងដោយសារតែ មនុស្សអែបអបជាមួយមេឈ្មួញទាំង២នាក់នេះបានដើរអួតអាងប្រាប់ក្រុម ឈ្មួញរកស៊ីឈើដទៃទៀតឲ្យត្រៀមខ្លួនវេចលុយយកទៅបង់ជូនដល់មេឈ្មួញ រកស៊ីឈើដ៏មានឥទ្ធិពលនិងឡើងកាន់តំណែងជាមេបញ្ជាការរងប៉េអឹម ខេត្តត្បូងឃ្មុំ ៕
Recent Comments